Imos facer a compra semanal con Susana e Pili!.

A semana pasada viñeron á escola as mamás de Uxía e de Marta, Susana e Pili; para explicarnos en que consiste o seu traballo. Na aula tiñan preparado un mercado con variedade de produtos e unha caixa rexistradora igualiña que as do supermercado; e cargadas de enerxía e paciencia ensináronnos a facer a compra da semana!.

 En primeiro lugar, falaron sobre algo que considero básico e que me pareceu unha idea xenial: a importancia de mercar tan só o que necesitamos; entendimos así que todos eses produtos que lles pedimos os papis que nos merquen, custan moitos cartos, e para elo nos deron a cada un unhas monedas de chocolate, coas que tíñamos que comprar o imprescindible. Así foi, elas traían nun carrito os produtos básicos que necesitamos ter sempre en casa: leite, pan, auga, aceite, patacas, ovos, azucre, sal, galletas, froita, iogures,... puxémolos no noso mercado, e cada neno/a fixo a súa compra!. Collían o carrito, os seus produtos, preguntábanlles as dúbidas e por último, xa na caixa, utilizaban as súas monedas para pagar!.

 Tamén, repasamos os produtos que corresponden a cada sección do supermercado; xa que non podemos ir a facer a compra se non sabemos movernos polo super e identificar onde mercamos cada produto. Por elo, tiñamos preparadas unha caixas con: froitas, verduras, marisco, pescado, carne, ... e Susana e Pili aclaráronnos onde podíamos encontrar cada unha de estas cousas.

 Foi unha sesión de compra moi divertida!. Pasárono "pipa" facendo a súa compra, xa están preparados para dirixir os papis no super e mercar os produtos da semana, probáde!.

 Moitas grazas a Susana e a Pili, pasámolo en grande!.